|
|||||||
|
|
|
|||||
|
|
|||||||
TAWA TI KATAWA
ni Andy Barroga
Toothpick
Masmasdaawan ni Don Juan ta tunggal agsapul iti toothpick, kanayon a maibusan diay pagip-ipananna. Gapu iti daytoy, pinaawaganna amin a katulong.
“Sinno kadakayo ti nalaing nga agusar iti toothpick ta apay a kanayonak a maibusan?
“Ay, sigurado a saan a siak, Senyor Juan.” Insalingbat ni Pedro. “Ta no siak ti agusar, isublik met la a dagus!”
Mansa
Masuron unay ni Ms. Tapia iti labanderana ta kanayon nga adda latta mabati a mansa dagiti kalsonna uray kallaba. Iti naminsan, nangisapit iti surat kadagiti palabaanna a nakaisuratan iti, “Iyad-adom bassit iti usarem a sabon aglalo kadagitoy panty.” Kasta a kasta ti ar-aramidenna agingga a nakaawat iti subalit manipud iti labandera: “Iyad-adom bassit agusar iti ilo!”
Wan Minit
Agkadkadigos dagiti agassawa, da Baldo ken Sabel, iti dayta a bigbigat idi adda mangngegda nga agap-Apo manipud iti ridaw. Gapu iti sadut ni Baldo, binaonna ni Sabel a mapan manglukat. Ni Anton ti adda iti ruangan.
“Ne, Apounay ket a lapsatmon komari!” minulmulan dagiti mata ni Anton ti pakabuklan ni Sabel. Sana kinuna, “No ikkatem ta bidangmo iti sanguanak, ikkanka ti limagasut.”
“Hmp, loklokuennak manen!” inlibbi ni Sabel.
“Saan, pramis! Detoy ti 500 ne.”
Apagapaman a nagpanunot ni Sabel sana kinuna, “Wan minit la ngarud, a?
“Wen! Alistoam ketdi ta baka agbabawiak.”
Uray la napasul-oy ni Anton iti nakitana idi inukas ni Sabel ti bidangna a tualya.
“Yanna ngarud tay limagasuten?” sinaludsod ni Sabel kalpasan ti one minute.
“Detoy, ne. Thank you, a.”
Agdigdigos pay laeng ni Baldo idi agsubli ni Sabel. “Apay sinno daydiay, ya, ta nakabaybayagka?” sinaludsodna.
“Hmp, ni Anton. Sapsapulennaka.”
“Ahh… umayna siguro bayadan diay limagasut nga utangna!.”
Kinnalakayan iti Langa
Tallo dagiti aglalaban, Amerikano, Hapon, ken siempre, Filipino.
Immuna a nagpaentablado ti Amerikano. Puraw aminen dagiti buokna ken agkurkuribetbeten ti rupana.
“Mano’t tawenyon ama?” sinaludsod ti Host.
“Otsenta y Sinko!”
“Ania ti sikretoyo ta naabotyo iti kasta nga edad?”
“Nateng ti bigat, nateng ti aldaw, nateng iti rabii!”
Nagpapalakpak dagiti tattao. Simmaruno a naawagan ti Hapon. Kasta met a puraw aminen ti buokna. Nalaklakay bassit ti kitana ngem ti Amerikano.
“Mano’t tawenyon ama?” sinaludsod ti Host.
“Nobenta y Sinko!”
“Ania ti sikretoyo ta naabotyo iti kasta nga edad?”
“Gatas ti bigat, gatas ti aldaw, gatas iti rabii!”
Nagpapalakpak dagiti tattao. Naawagan ti Filipino. Agkubbon daytoy ket dandanin di makapagna. Atitiddog dagiti ubanan nga imingna ken limneken dagiti kuribetbet a pingpingna. Kasla ermitanyo ti kitana.
“Ania ti sikretoyo ta naabotyo iti kasta nga edad?” sinaludsod ti host.
“Arak ti bigat, arak ti aldaw, arak ti rabii”
Nagpapalakpak dagiti tattao. “Mano metten ti tawenyo, ama?” sinaludsod ti host.
“Trenta y Sinkoooo…..”
J