Sika ti silaw a mangtun-oy

Nasayaat a sirmata iti masakbayan

Mangbaliw aglawlaw ken panirigan

Naliday a lubong a nalikudan.

Gapu kenka naduktalan maris biag

Sam-it ken bara ti ayat

Labes panagsagaba saem umuna nga ayat

Panangsuot langit nalupoy a rikna.

Isapatak a sika’t mangbiag

Daksanggasat naikupinen nga ayat

Tapno baliwak lumasat

Paraiso a nakaitublakak.