Kas iti tinawen a proyekto ti UFCH, maysa ni Flor Martinez, maysa kadagiti mamagbaga iti GUMIL Oahu, ken agdama nga anaunser iti KNDI Radio, ti pinadayawan ti UFCH Progress Award 1999. Dati nga Information Officer ni Martinez iti Philippine Consulate General, Honolulu. Dati nga anaunser iti DZJC-Laoag ken KISA ket programana ti "Operation Tulong". Maysa kadagiti kangrunaan a timmultulong kadagiti beterano iti panagsangpetda ken iti panagsimsimpada. Kameng ni Martinez iti Tri-Media Council ket isu ti nangilungalong iti programa a "Padasentay Met" iti kinnantaan. Kas media person, ken iti napasnek a panagserbina iti gobierno iti Filipinas, diplomatiko ken community relations, pinadayawan ti Dept of Foreign Affairs a kas "Dangal Ng Bayan Awardee". Programana ti "Mr. Parbangon" iti KNDI Radio ket adda pay ti "Tangguyob Iti Tangatang". Dadduma a napadayawan, da Dr. Danilo Ablan (Medisina/Salun-at) Hues Artemio Baxa (Linteg); Benjamin Gudoy (Negosio); Tina Lazo (Edukasion); Gerald Rupert Rojo II (Entertainment); Tino Ranches (Arts/Theater); Larry Cadiz (Labor); ken Rep. Romy Cachola (Politika); Sam Callejo (Gobierno); Modesto Gaborno (Engineering/Architecture); Jake Manegdeg ken Ernest Libarios (Community Service); Bernie Cagauian (Siensia/Teknolohia); Island Baptist Church (Humanitarian Service); Rep. Dennis Arakaki "Ating kaibigan" (Our Friend). Sangaili Consul General Minerva Jean Falcon, Mayor Jeremy Harris, ken dadduma pay. Ni Don Alvarez ti agdama a presidente ti UFCH, ni Rev. Joe Lazo ti resourceperson. Ni Amado Yoro ti publicity ken kameng iti Selection Committee iti Progress Award.